اسلام آباد (ایکسکلوژو رپورٹ ) صرف بچے ہی نہیں بلکہ بڑے بھی ، بڑے مزے سے سپر ہیروز والے کارٹونز دیکھتے ہیں جن میں سپر ہیروز کے پاس کے مختلف اقسام کی ماوارائی طاقتیں ہوتی ہیں ۔آئیں ہم آپ کو خوابوں کی دنیا سے باہر لاتے ہیں اور بتاتے ہیں ایک ایسے شخص کے بارے میں جو 44سا ل سے ایک بار بھی نہیں سویا ۔
تفصیلات کچھ یوں ہیں کہ تھائی ناگوک نامی شخص جس کا تعلق ویت نام سے ہے وہ تقریباً 43سالوں سے خوابِ خرگوش کے مزے نہیں لے سکا۔ یہ شخص 1942میں پیدا ہو ا اور عرف عام میں ’’انسوومنیا مین‘‘ کے نام سے پہچانے جانے والے اس شخص کے ساتھ یہ مسئلہ تب پیش آیا جب 1973 میں اسے بخار ہوا جس کے بعد اس کے جسم میں عجیب و غریب تبدیلی آگئی اور اب وہ رات ہو یا صبح ،سو نہیں پاتا ۔تھائی بہت سی ادویات اور الکوحل استعما ل کر چکا ہے مگر اسے نیند نہیں آتی۔خیر اب اس نے حالات سے سمجھوتہ کر لیاہے اور اب وہ رات کو بھی کام کر کے پیسے کماتا ہے۔