بیجنگ (مانیٹرنگ ڈیسک)آج کل سب سے گرم خبر پانامہ لیکس بنی ہوئی ہے جس کا معاملہ سپریم کورٹ میں پہنچ چکا ہے- ویسے تو تجزیہ نگار اور سیاسی ماہرین اپنے اپنے اندازے لگارہے ہیں لیکن دلچسپ بات یہ ہے کہ ایک ویب سائٹ کے مطابق چین کے ایک نجومی نے اپنے تئیں وقت سے پہلے پیشین گوئی کردی ہے کہ عدالت کا متوقع فیصلہ کیا ہوسکتا ہے-“سی شومی” نامی اس 82 سالہ نجومی ایک پینٹر بھی ہے اور اس کے بارے میں کہا جاتا ہےکہ یہ علم نجوم اور علم الاعداد کابہت ماہر ہے اور اس کے اب تک کے تمام اندازے درست ثابت ہوئے ہیں-
“سی شومی” سے جب ایک غیرملکی میڈیا کے نمائندے نے یہ سوال کیا کہ پاکستان میں پانامہ لیکس پر کیا فیصلہ آئے گا تو نجومی نے پریقین لہجے میں حساب لگا کر بتایا کہ یہ فیصلہ اپوزیشن کے خلاف اور حکومت کے حق میں آئے گا-“سی شومی” کا یہ بھی کہنا ہے کہ ڈونلڈ ٹرمپ ڈیڑھ سال بعد امریکہ کا صدر نہیں رہے گا، بھارت کے اندر تین ریاستیں بن جائیں گی، جاپان میں پہلے سے زیادہ خوفناک سونامی آئے گا اوراگلے پانچ سالوں میں لوگ چاند کی سیر کو جانا شروع کر دیں گے-
