اسلام آباد (احمد ارسلان) دوستی ایک لازوال نعمت ہے اور دوست جب اچھا مل جائے تو اس سے بڑھ کر اور کوئی انعام ہو نہیں سکتا۔ چہار اطراف سے خطرناک دشمنوں میں گھرے پاکستان کو چین جیسے بے انتہا مخلص اور ہر موڑ پر پاکستان کی مشکلات کے سامنے سینہ سپر ہو جانے والے دوست کا ملنا بجا طور پر نعمت خداوندی سے کم نہیں ۔
پاکستان اور چین اپنی فوجی قوتوں کو بڑھانے کیلئے آئے روز کچھ نہ کچھ اقدامات کرتے رہتے ہیں ۔ ان دنوں بھی پاک چین مشترکہ فوجی مشقیں عروج پر ہیں اور آرمی چیف جنرل راحیل شریف بھی اس موقع پر اقدامات کا جائزہ لینے کیلئے وہاں پہنچے اور پاک چین فوجی مشقوںکو خوب سراہا ۔اسی فوجی مشق کے دوران پاک فوج کے جوان کی جانب سے چینی فوجی کو پانی پلانے کی تصویر کو سوشل میڈیا پر خوب سراہا جا رہا ہے۔ یہ تصویر پاک چین دوستی کی واضح عکاس بھی ہے ۔  

موضوعات:پاک چین دوستی