اوش(این این آئی)گتے پر سوئے ہوئے قرغز لڑکے کی اس تصویر نے سوشل میڈیا پر ایک طوفان برپاکر دیا ہے جس کے بعد سے وسطی ایشیائی ریاستوں میں پائی جانے والی غربت کے بارے میں تند و تیز بحث شروع ہو گئی ہے۔اس تین سالہ لڑکے کا تعلق جنوبی قرغزستان کے علاقے اوش سے ہے۔میڈیارپورٹس کے مطابق اسے فیس بک پر اس تبصرے کے ساتھ پوسٹ کیا گیا تھاکہ بہتر ہوتا کہ یہ بچہ بازار کی بجائے گھر یا کسی کنڈرگارٹن میں سو رہا ہوتا۔ دوسرے لوگوں نے بھی اسی قسم کے تبصرے کرتے ہوئے اس کی ماں کو موردِ الزام ٹھہرانا شروع کر دیا۔لیکن کئی لوگوں نے حکومت پر توجہ مرکوز کرتے ہوئے اس کی ذمہ داری حکام پر ڈال دی ہے۔ ایک شخص نے لکھاکہ ریاستی گیدڑ، تمھیں نہیں پتہ کہ لوگ زندگی کیسے گزار رہے ہیں۔کئی لوگوں نے اس موقعے کا فائدہ اٹھاتے ہوئے ملک کے صدر الماس بیگ آتامبایف کو تنقید کا نشانہ بنایا۔ ایک صارف نے لکھاکہ اس کے ذمہ دار آتامبایف ہیں۔‎

موضوعات:فیس بک