اسلام آباد (مانیٹرنگ ڈیسک)حضرتِ انسان شروع وقت سے ہی نت نئی تخلیقات کر کے اپنی تفریح کی خواہشات پوری کرتا آیا ہے ۔کبھی شیروں کو سدھانے جیسے خطرناک کام کرتا ہے تو کبھی موروں کا ناچ دیکھ کر اپنی جما لیاتی حس کو تسکین پہنچاتا ہے ۔الغرض کبھی کچھ تو کبھی کچھ مگر حال میں ہی دوست ملک کے بنائے ایک خطرنا ک پل نے شائقین کی توجہ کو اپنی جانب مرکوز کیا ہوا ہے۔ 600فٹ ہوا میں معلق شیشے کا یہ پل شائقین کو اپنی طرف کھینچتا تو ضرور ہے مگر وہاں جانے کے بعد اکثر لوگ کھلی آنکھوں سے قدرت کے نظاروں سے اپنی آنکھوں کو تسکین نہیں پہنچا سکتے ۔ بلندی کا خوف کسی کو گھٹنے کے بل چلنے پر مجبور کرتا ہے تو کبھی آنکھیں بند کر کے لوگ یہ پل عبور کرتے ہیں ۔ بحر حال جو بھی ہو صوبہ ہنین میں واقع یہ پل اپنی نظیر آپ ہے ۔