اسلام آباد (نیوز ڈیسک )ہم سب نے لندن شہر کی خوبصورتی کے بارے میں بہت سن رکھاہے لیکن کیا کبھی یہ سوچاکہ اس عالیشان شہرکے نیچے کیا ہے؟حا ل ہی میں ایک ٹی وی پروگرام میں لندن شہر کے نیچے موجود ایک نئی دنیا کے بارے میں بتایا گیا ہے۔اس شہر کے نیچے سرنگوں کا ایک شہر آباد ہ جو کہ زیرزمین ریلوے کے لئے بنایا گیا ہے اور یہ شہر کے مختلف علاقوں کو ریل کے ذریعے آپس میں کے میں ملاتا ہے۔ان میںسے کچھ سرنگیںدوسری عالمی جنگ کے دوران بینکر کے طور پر بھی استعمال ہوتی تھیں۔دوسری جنگ عظیم کے دوران جرمنی کی جانب سے لندن پر بہت زیادہ بمباری کی جاتی تھی اور شہریوں کو محفوظ بنانے کے لیے برطانوی حکومت نے زیر زمین سرنگیں بنا رکھی تھیں جب بھی جرمن طیارے بمباری کے لئے آتے تو لندن کے شہری ان سرنگوں میں چھپ جاتے تاہم 1948کے بعد جمیکا سے آئے ہوئے لوگوں نے ان سرنگوں کو رہائش کے طور پر استعمال کرنا شروع کر دیا۔
لندن کے نیچے موجود سرنگوں اور مختلف جگہوں کے بارے میں آپ کو یہ جان کر حیر ت بھی ہو گی کہ شہر کے نیچے 20ایسے ریلوے سٹیشن موجود ہیں جہاں اب ریل گاڑی نہیں چلتی اور یہاں لوگ مختلف صورتوں میں آباد ہیں۔جبکہ کچھ دریا بھی لند ن کے نیچے گم ہوچکے ہیں جن میں فلیٹ اور وال بروک مشہور تھے۔ لندن کے ایک ماہر کا کہنا ہے کہ وہ علاقے جہاں زیرزمین ریل نے جانا بند کر دیا ہے وہاں تقریبا ً آٹھ ہزار لوگ رہتے ہیں جنہیں زندگی کی تمام سہولیات کسی نہ کسی طرح میسر ہیں۔