جوہانسبرگ (نیوز ڈیسک) جنوبی افریقہ میں جنم لینے والے ننھے ہینرو وین نکرک کے گھر والے اپنے بچے کی حفاظت اور نگرانی پر خاص توجہ دے رہے ہیں۔ بنا کسی ظاہری وجہ کے یہ خاص حفاظت بے معنی سی محسوس ہوتی ہے لیکن ہینرو کی حفاظت کیئے جانے کی وجہ اس کے ماتھے پر موجود پیدائشی نشان ہے جو دراصل”12“ کے ہندسوں کو ظاہر کرتا ہے۔12کا ہندسہ قدیم مذاہب اور داستانوں میں بے حد اہمیت کا حامل رہا ہے۔ برجوں کا تذکرہ ہو یا ہرکولیس کے مددگاروں کا، ہر جگہ بارہ کا ہندسہ ہی نمایاں دکھائی دیتا ہے، اسی طرح مایا تہذیب میں بھی اسی ہندسے کو دنیا کے خاتمے کی علامت قرار دیا گیا تھا۔ہینرو11نومبر کو پیدا ہوا تواس کی نانی نے یہ دیکھا کہ اس کے ماتھے پر ایک اور دو کے ہندسے واضح طور پر دکھائی دیتے ہیں، انہوں نے جس جس کو یہ خبر دی وہ حیران بھی ہوا اور ہنرو کو دیکھنے کے بعد اس کی نانی کے اس دعوے کی تصدیق بھی کی۔ اس حوالے سے ڈاکٹرز کا کہنا ہے کہ یہ پیدائشی نشان وقت کے ساتھ ساتھ ختم ہوجائے گا تاہم بچے کی پر نانی اس نشان سے بے حد خوش ہیں اور کہتی ہیں کہ انہیں اس نشان سے کوئی پریشانی نہیں ہے۔ واضح رہے کہ جسم پر موجود پیدائشی نشانوں کو ختم کروانے کی ضرورت نہیں ہوتی ہے کیونکہ یہ نقصان دہ نہیں ہوتے ہیں۔ اکثریتی کیسز میں یہ خود بخود ہی ختم بھی ہوجاتے ہیں۔ ہینرو کے ماتھے پر موجود بارہ کے ہندسے ابھرنے سے” لٹل اینجل“ کے نام سے شہرت پانے والے اولیور کی یاد تازہ ہوگئی ہے جس کے سینے پر ایسا نشان موجود تھا کہ گویا وہ اس کے جسم پر موجود پنکھ ہوں۔