ا سلام آباد (این این آئی)وفاقی دارالحکومت ا سلام آباد کے پمز ہسپتال کی انتظامیہ نے کورونا وائرس کی ویکسین نہ لگوانے والے ہیلتھ ورکرز کو انتباہ جاری کر دیا ہے۔پمز ہسپتال اسلام آباد کی انتظامیہ کی جانب سے رجسٹریشن کے باوجود ویکسین نہ لگوانے والے طبی عملے کو
وارننگ جاری کی گئی ہے۔انتظامیہ نے پمز ہسپتال کے کورونا وائرس کی ویکسین کیلئے رجسٹرڈ تمام اسٹاف کو جلد سے جلد ویکسین لگوانے کی ہدایت کر دی ہے۔پمز ہسپتال کی انتظامیہ کا یہ بھی کہنا ے کہ کورونا وائرس کی ویکسین نہ لگوانے والے طبی عملے کے خلاف سخت ایکشن لیا جائے گا۔
