لندن(این این آئی)کووڈ انیس کی ایک ممکنہ ویکسین کے سائیڈ ایفکٹس سامنے آنے کے بعد اس پر مزید تحقیق روک دی گئی ہے۔غیرملکی خبررساں ادارے کے مطابق بین الاقوامی دوا ساز کمپنی آسٹرا زینیکا کے ترجمان نے بتایاکہ برطانیہ میں ایک شخص
پر اس ویکسین کی آزمائش کے انتہائی شدید سائیڈ ایفکٹس سامنے آئے ۔ AZ1222 نامی اس تجرباتی ویکسین کی طبی جانچ برطانیہ، برازیل اور جنوبی افریقہ میں آخری مراحل میں تھی۔ اسے اب تک کورونا کی سب سے موثر ویکسین کے طور پر لیا جا رہا تھا۔