بیونس آئرس (آن لائن)ارجنٹینا میں زوم پر لیکچر کے دوران خاتون پروفیسر کورونا وائرس سے چل بسیں۔غیر ملکی خبر رساں ادارے مکے مطابق ارجنٹائن کے دارالحکومت بیونس آئرنس میں طلبا کی آن لائن کلاس کے دوران 46 سالہ پروفیسر پاولا دی سیمون کورونا وائرس سے ہلاک ہوگئیں۔خاتون پروفیسر کی طبیعت زوم لیکچر کے دوران اچانک بگڑگئی اور طلبا سارا منظر دیکھتے رہے، پاولا دی سیمون کو

سانس لینے میں مشکل پیش آرہی تھی اور وہ دوران کلاس ہی دم توڑ گئیں۔پاولا نے مرنے سے قبل 28 اگست کو سماجی رابطے کی ویب سائٹ  ٹوئٹر پر شیئر کردہ پوسٹ میں بتایا کہ وہ  کورونا وائرس میں مبتلا تھیں اور وائرس سے صحت یابی کے لیے جدوجہد کررہی تھیں۔یونیورسٹی انتظامیہ نے خاتون پروفیسر کے انتقال پر دکھ اور افسوس کا اظہار کیا، یونیورسٹی انتظامیہ کا کہنا تھا کہ پاولا ہمارے ساتھ 15 سال سے منسلک تھیں۔