لاہور(آن لائن) پنجاب کے ڈاکٹروں، نرسوں اور طبی عملے میں کوروناکی شرح سب سے زیادہ ہے، اب تک 12 ڈاکٹراور 2 نرسیں کورونا سے شہید ہوچکی ہے۔تفصیلات کے مطابق محکمہ صحت نے کہا ہے کہ پنجاب کے ڈاکٹروں، نرسوں اور طبی عملے میں کوروناکی شرح سب سے زیادہ ہے، 20 فیصد ڈاکٹر اور ہیلتھ پروفیشنلزکورونا سے متاثر ہوئے۔

محکمہ صحت کا کہنا تھا کہ پنجاب میں طبی عملے کے 2940 ٹیسٹ کرائے گئے، طبی عملے کے562افرادمیں کورونا کی تصدیق ہوئی جبکہ پرنسپل جنرل ہسپتال پروفیسر الفریدظفر کاکوروناٹیسٹ مثبت آیا۔محکمہ صحت کے مطابق پنجاب میں اب تک 12 ڈاکٹراور 2 نرسیں کورونا سے شہیدہوئیں، ایم ایس جنرل اسپتال صلاح الدین، ڈاکٹرسلمان حسیب،ڈاکٹرعاطف چوہدری، ڈاکٹرخضرحیات بھی کورونا کا شکار ہوئے جبکہ ڈاکٹرمعروف وینس اور ینگ ڈاکٹرزمیں بھی کوروناسے متاثر ہوئے۔اسپتال ذرائع کے مطابق کوروناکے باعث اسپتالوں میں ہرقسم کی سرجری اور آپریشن ملتوی کردیئے گئے ہیں، سیکرٹری صحت سپیشلا ئزد ہیلتھ کئیر کا کہنا ہے کہ ڈاکٹرز و دیگر عملے کی حفاظت کیلئے تمام ممکنہ اقدامات کیے جا رہے ہیں۔بیرسٹر نبیل اعوان نے کہا ہے کہ کرونا وارڈز میں کام کرنے والے تمام ڈاکٹرز ودیگر عملے کو حفاظتی لباس و ماسک فراہم کیے جارہے جبکہ چئیرمین گرینڈ ہیلتھ الائنس کا کہنا تھا کہ ڈاکٹرز کمیونٹی تمام تر مشکلات کے باوجود دن رات مریضوں کی خدمت کر رہی ہے اور کرتی رہے گی۔ڈاکٹر سلمان حسیب نے کہا کروناوائرس میں مریضوں کی خدمت کرتے ہوئے شہید ہونے والے ڈاکٹرز و دیگر عملے کو خراج عقیدت پیش کرتے ہیں۔