اسلام آباد(مانیٹرنگ ڈیسک)معروف آکسفورڈ یونیورسٹی کے پروفیسر جان بیل نے دعویٰ کیا ہے کہ کورونا وائرس کی ویکسین اکتوبر ،نومبر میں تیار ہوجائے گی۔میڈیا رپورٹس کے مطابق برطانوی حکومت کی ویکسین ٹاسک فورس کے رکن پروفیسر جان بیل نے کہا کہ کورونا وائرس کی ویکسین کے ٹرائلز اگست کے وسط تک مکمل ہوجائیں گے۔

ٹرائلز شروع کرنے کے لیے حکومت کی منظوری کا انتظار ہے،مئی میں ٹرائلز شروع کردیے تو اگست تک ویکسین کی تیار ی کے قریب پہنچ جائیں گے۔ ٹرائلز کے بعد سب سے بڑا چیلنج ویکسین کی اربوں کی تعداد میں تیاری ہوگا۔یاد رہے کہ دنیا بھرمیں کورونا وائرس سے ہونے والی اموات ایک لاکھ61 ہزار سے بڑھ چکی ہے۔