ملک وال(آن لائن) منڈی بہاوالدین کی تحصیل ملکوال میںکئے گئے کر ونا ٹیسٹ میںکرونا وائرس سے متاثرہ 5 افراد کی شناخت ہو چکی ہے جن کو فوری طور پر ہسپتال منتقل کر کے ان کے گھروں کو سیل بھی کر دیا گیا ہے جبکہ ضلع منڈی بہاوالدین میں کل 53 کرونا کے مریض ڈی ایچ کیو ہسپتال میں زیر علاج ہیں۔ تفصیلات کے مطابق منڈی بہاوالدین تحصیل ملکوال کے گائوں فقیریاں کے رہائشی محمد نواز ،

ندیم شاہ سکنہ جنڈ بوسال،محسن رضا سکنہ بارموسیٰ ،شکیل احمد سکنہ بکن،حسیب شاہ چک نمبر 48 سمیت 5 افراد کے کرونا ٹیسٹ مثبت آنے پر انتظامیہ نے مریضوں کو فوری طور پر ڈسٹرکٹ ہسپتال منڈی بہاوالدین منتقل کر دیا ہے اور ان کے گھروں اور ملحقہ علاقے کو بھی سیل کر دیا گیا ہے ۔جبکہ ضلع منڈی بہاوالدین میں کل 53 کرونا کے مریض ڈی ایچ کیو ہسپتال میں زیر علاج ہیں۔