جیکب آباد(این این آئی) جیکب آباد میں ایڈزکے مرض میں مبتلا نوجوان انتقال کرگیا تفصیلات کے مطابق جیکب آباد کے گلاب ماچھی محلہ کا 22سالہ اصغر لاشاری ولد ولی محمد کافی عرصہ ایڈز کے مرض میں مبتلا رہنے کے بعد گذرشتہ شب فوت ہو گیا ایڈز میں مبتلا نوجوان کے بھائی اختر کا کہناتھا کہ غریب ہیں علاج کے لئے ہر بار لاڑکانہ جانا پڑتا تھا کبھی تو کرائے کے لیے پیسے بھی نہیں ہوتے

تھے تو علاج رک گیا تھا ایڈز کے مریضوں کے لئے جیکب آباد میں انتظامات کئے جائیں تاکہ کوئی غریب علاج کے لئے لاڑکانہ جانے کے پیسے نہ ہونے کی وجہ سے نہ جا سکے اور تڑپ تڑپ کر مر جائے ،واضح رہے کہ جیکب آباد میں بھی ایڈز کا مرض تیزی سے پھیل رہا ہے جس کی روک تھام کے لئے ضلع انتظامیہ سمیت محکمہ صحت اور حکومت کو اقدامات کرنے کی اشد ضرورت ہے۔

موضوعات:ایڈز