اسلام آباد(مانیٹرنگ ڈیسک) کیا آپ جانتے ہیں دفتر اور اپنے کام سے وقفہ لینا اور چھٹیاں کرنا آپ کی عمر میں اضافہ کرسکتا ہے؟ ہم میں سے کئی ملازمت پیشہ افراد باس کی نظروں میں اچھا بننے کے لیے سالانہ تعطیلات نہیں لیتے یا بہت کم لیتے ہیں، تاہم ماہرین نے خبردار کردیا ہے کہ ایسے افراد قبل از وقت موت کا شکار ہوسکتے ہیں۔ فن لینڈ میں کی جانے والی اس تحقیق میں دو گروہوں کی جانچ کی گئی۔ ایک گروہ وہ تھا جو باقاعدگی سے دفتر سے سالانہ تعطیلات لیتا تھا، جبکہ دوسرا سارا سال کام میں جتا رہتا تھا۔ دفتر سے تعطیلات لینے کے

بے شمار فوائد ماہرین نے دیکھا کہ وہ افراد جنہوں نے سالانہ 3 ہفتوں سے زیادہ تعطیلات لیں ان میں قبل از وقت موت کا خطرہ 37 فیصد کم ہوگیا۔ ماہرین کے مطابق تعطیلات کام کے دوران ہونے والے ذہنی دباؤ سے نجات کا نہایت آسان طریقہ ہیں۔ ملازمین کا ذہنی دباؤ اور ڈپریشن کا شکار ہونا کمپنیوں کو سالانہ اربوں روپے کا نقصان پہنچا سکتا ہے۔ اس کے برعکس چند دن کی تعطیلات ملازمین کی ذہنی استعداد اور کارکردگی میں اضافہ کرتی ہیں جو ملازمین اور کمپنی دونوں کے لیے فائدہ مند ہے۔ تو پھر آپ کب سے تعطیلات پر جارہے ہیں؟