اسلام آباد(مانیٹرنگ ڈیسک) پاکستان کے تین کروڑ 70 لاکھ بچوں کی پولیو ویکسی نیشن مکمل ہوگئی۔ تفصیلات کے مطابق پاکستان پولیو پروگرام کے جاری کردہ اعداد و شمار کے مطابق ملک میں قومی انسدادپولیو مہم کامیابی سے جاری ہے. اعداد و شمار کے مطابق تین کروڑ 70 لاکھ بچوں کی پولیو ویکسی نیشن کا مرحلہ طے ہوگیا، اس وقت کراچی، پشاور، کوئٹہ، پشین، قلعہ عبداللہ میں مہم جاری ہے۔ پاکستان پولیو پروگرام کے مطابق پولیو ورکرز نے مہم میں بہترین کارکردگی کا مظاہرہ کیا اور پیشہ ورانہ
انداز میں ذمے داریاں نبھائیں۔ پاکستان پولیو پروگرام کے مطابق مہم میں رہ جانے والےبچوں کو قطرے پلائے جارہے ہیں، حکومت ملک سے پولیو کے خاتمے کے لئے پرعزم ہے۔ انتظامیہ کی جانب سے والدین بچوں کو پولیو سے بچاؤ کے قطرے ضرور پلائیں اور ورکرز سے تعاون کریں۔ یاد رہے کہ 10 دسمبر 2018 کو وزیر اعظم پاکستان نے اپنے ایک بیان میں کہا تھا کہ ملک گیر انسداد پولیو مہم کا آغاز ہوچکا ہے، میں قوم سے کہتا ہوں کہ آگے آئیں، ذمے داری اٹھائیں اور پاکستان کو پولیو فری بنائیں ۔
