اسلام آباد (مانیٹرنگ ڈیسک) کیا رات کو سونے کے لیے لیٹنے کے بعد کروٹیں بدلتے رہتے ہیں؟ یا رات کو اچانک آنکھ کھلنے کے بعد دوبارہ نیند مشکل ہوجاتی ہے؟ اگر تو کچن میں موجود 2 عام چیزیں بے خوابی کا باعث بننے والے ہارمونز کا علاج ثابت ہوسکتی ہیں۔ جی ہاں واقعی 2 عام چیزیں جو تناﺅ کے ہارمونز کے باعث ہونے والی بے خوابی کا علاج ثابت ہوسکتی ہیں۔ اگر رات کو بستر پر لیٹنے کے بعد

کافی دیر تک نیند نہیں ہوتی تو یہ بے خوابی کے عارضے کی علامت ہوسکتی ہے۔ تو اس کے علاج کے لیے ایک خوب آور ‘سفوف’ کو بنانے کا طریقہ جان لیں اور اس کی تیاری کچھ مشکل بھی نہیں۔ بس نمک اور چینی لیں اور بس۔ ان دونوں کا مکسچر نیند لانے میں جادوئی اثر کا کام کرتا ہے۔ تو اگر نیند آنے میں مشکل کا سامنا ہے تو اس کے لیے درست اجزا کا انتخاب ضروری ہے۔ یعنی سفید نہیں بلکہ گنے کی بنی چینی کی ضرورت ہوگی جبکہ سمندری نمک درکار ہوگا۔ تو 5 چائے کے چمچ گنے کی چینی اور 2 کھانے کے چمچ سمندری نمک کے لیں، ان دونوں کو اچھی طرح مکس کریں اور اسے زبان کے نیچے رکھ دیں۔ یہ مکسچر اس وقت تک زبان کے نیچے رکھتے رہے جب تک نیند کے مسائل ختم نہیں ہوجاتے۔ درحقیقت چینی جسم کو سکون کا احساس دلاتی ہے اور تناﺅ کا باعث بننے والے ہارمونز کو بننے سے روکتی ہے جبکہ نمک سے جسم میں ایک ہارمون adrenaline کو کنٹرول کرتا ہے۔یہ مضمون عام معلومات کے لیے ہے۔ قارئین اس حوالے سے اپنے معالج سے بھی ضرور مشورہ لیں۔