اسلام آباد (مانیٹرنگ ڈیسک)آج کے دور میں یہ کہنا مشکل ہے کہ ہم جو کچھ بھی کھاتے ہیں وہ واقعی تازہ اور خالص ہے یا کوئی ملاوٹ زدہ شے۔ آج ہم آپ کو ایسی ہی کچھ معلومات بتانے اور دکھانے جارہے ہیں جنہیں جان کر آپ حیران رہ جائیں گے کہ کھانے کے نام پر کس کس طرح ہم سے جعلسازیاں کی جاتی ہیں۔ سیب آپ کو لگتا ہے چمکتا ہوا سیب تازہ ہے؟ اسے نیم گرم پانی سے دھوئیں، اسے چمکدار بنانے کے لیے اس پر لگایا گیا موم اتر جائے گا اور اس ’مزیدار سیب‘ کی اصلیت واضح ہوجائے گی۔
جوسز رنگین جوس کو ایک کپ میں ڈالیں اور ایک عدد ٹشو پیپر اس میں ڈال دیں۔ جوس کا رنگ ٹشو میں منتقل ہوجائے گا اور پیچھے رہ جائے گا۔ کیمیکل اور مصنوعی شوگر ملا پانی۔ کپ کیک کپ کیک کھانا مزیدار لگتا ہے؟ ایک چھلنی میں اسے اچھی طرح دھوئیں۔ کیک کا سارا مواد چھلنی سے بہہ جائے گا اور جانتے ہیں آخر میں کیا بچے گا؟ انسانی جسم کے لیے مضر سینتھٹک فائبر۔ مکھن مکھن کا استعمال کرتے ہوئے آپ کو یاد رکھنے کی ضرورت ہے کہ مارجرین اور مکھن میں فرق ہے۔
