برطانیہ (مانیٹرنگ ڈیسک) اپنے طرز زندگی میں چند معمولی سی تبدیلیاں لاکر ہر سال ہزاروں کینسر کے کیسز کی روک تھام کی جاسکتی ہے۔ یہ بات برطانیہ میں ہونے والی ایک طبی تحقیق میں سامنے آئی۔ کینسر ریسرچ یوکے کی تحقیق میں بتایا گیا کہ طرز زندگی کی تبدیلیاں جیسے ورزش کرنے اور جسمانی وزن میں کمی وغیرہ کے ذریعے ہر ہفتے ہزاروں کینسر کے کیسز کی روک تھام ممکن ہے۔
کینسر کے خطرات کم کرنے والی غذائیں اس تحقیق کے مطابق طرز زندگی میں صحت مند تبدیلیاں لاکر صرف برطانیہ میں ہر سال 40 فیصد کینسر کیسز کو روکا جاسکتا ہے۔ تحقیق میں بتایا گیا کہ تمباکو نوشی کینسر کا شکار کرنے والی سب سے اہم عادت ہے جبکہ موٹاپا، سورج کی روشنی میں بہت زیادہ گھومنا، الکحل کا استعمال، بہت کم فائبر کھانا اور ہوائی آلودگی سے متاثر ہونا وغیرہ بھی سرطان کا خطرہ بڑھاتے ہیں۔ تحقیق میں یہ انتباہ بھی کیا گیا کہ تمباکو نوشی سے گریز کی شرح تو بڑھ رہی ہے مگر موٹاپا اتنی ہی تیزی سے وبا کی طرح پھیل رہا ہے اور یہ بہت جلد تمباکو نوشی کے مقابلے میں اموات کا سب سے بڑا سبب بن جائے گا۔ کینسر کی 12 علامات جنھیں نظرانداز نہ کریں محققین کا کہنا تھا کہ اگر خیال نہ رکھا گیا تو موٹاپا تمباکو نوشی جتنا ہی مہلک ثابت ہوسکتا ہے۔ انہوں نے بتایا کہ طرز زندگی کے ذریعے ہی جان لیوا کینسر کے مرض سے بچا جاسکتا ہے اور لوگوں کو زندگی میں صحت بخش انتخاب کرنے چاہئے۔ اس تحقیق کے نتائج طبی جریدے برٹش جرنل آف کینسر میں شائع ہوئے اور یہ بتایا گیا کہ موٹاپا 13 مختلف اقسام کے کینسر کا خطرہ بڑھاتا ہے۔
