نیویارک(مانیٹرنگ ڈیسک) امریکا کے ماہرین صحت نے کہا ہے کہ سرخ گوشت ذیابیطس ، بلند فشار خون اور جوڑوں کے درد اور کینسر کا موجب بن سکتا ہے۔ہاورڈ یونیورسٹی کے ماہرین کی جدید تحقیق سے معلوم ہو ا ہے کہ گائے یا بڑے جانور کے گوشت میں کولیسٹرول کی مقدار سفیدگوشت کے مقابلے زیادہ ہوتی ہےاس لیے ذیابیطس ، بلند فشار خون اور جوڑوں کے درد میں مبتلا لوگ سرخ گوشت ، کلیجی، گردے، مغز کھانے سے اجتناب کریں۔ماہرین کا کہنا ہے کہ
اگر سرخ گوشت کم مقدار میں اور بار بی کیو کی صورت میں خوب پکا کر کھایا جائے تو اس کے نقصانات دیگر اقسام میں پکائے جانے والے گوشت کی نسبت کم ہو جاتے ہیں۔روزمرہ کے تناؤ اور مضر صحت غذا کے استعمال سے اس پر بوجھ بڑھاتے رہتے ہیں حالانکہ سب کو علم ہے کہ بہت زیادہ چکنائی سے بھرپور غذا بلڈ کولیسٹرول کی سطح بڑھانے کا باعث بنتی ہے جس کے نتیجے میں خون کی شریانیں سکڑنے لگتی ہیں اور دل اپنے افعال سرانجام دینے سے قاصر ہونے لگتا ہے۔
