میڈرڈ (نیوز ڈیسک)گنجے پن کا شکار شخص صرف بالوں سے ہی نہیں بلکہ خوداعتمادی سے بھی محروم ہو جاتا ہے۔ سپین میں ہونے والی ایک تحقیق میں گنجا پن کا شکار 62 فیصد افراد نے خوداعتمادی میں کمی کی شکایت کی۔ آپ کو گنجے پن کی وجوہات اور ا±ن سے نمٹنے کے طریقے بتاتے ہیں۔
وجوہات کی تلاش
ماہرین کا کہنا ہے کہ اگر سر کے بال اطراف میں موجود رہیں اور درمیان سے گرجائیں تو اس کا مطلب ہے کہ آپ صحت کے کسی مسئلہ کا شکار ہیں، یعنی آپ کو ہارمونز اور نیوٹرنٹس کی کمی کا سامنا ہے۔ اس کے علاوہ سر کی کھال بھی کسی وجہ سے متاثر ہو سکتی ہے۔
اشتہاری چیزوں سے اجتناب
گنجے پن کے علاج کے لئے ٹی وی یا انٹرنیٹ پر چلنے والے اشتہارات سے متاثر نہ ہوں۔ امریکی ڈرماٹولوجسٹ وارنز مارک کے مطابق یہ صرف پیسے کمانے کا بہانہ ہے، کیونکہ ان ادویات یا پیکیجز میں کسی تحقیق سے کام نہیں لیا جاتا اور نہ ہی انہیں ماہرین طب سے تصدیق کروایا جاتا ہے۔
شیمپو سے پرہیز
درجنوں اشتہارات میں شیمپو کے ذریعے بالوں کو مضبوط، گھنے اور سکری سے محفوظ رکھنے کی ترغیبات دی جاتی ہیں لیکن ان میں صرف ایک جزو کو دکھایا جاتا ہے کہ اس سے خشکی اور سکری ختم ہوجاتی ہے۔ ماہرین کے مطابق گنجے پن کا شکار ہونے والے افراد یا اس طرف گامزن افراد شیمپو سے پرہیز کریں۔
خوراک
غذا میں احتیاط آپ کو مسٹرکلین یعنی گنجا بنانے سے محفوظ رکھ سکتی ہے، جلد کو مختلف نیوٹرنٹس اور پروٹینز کی ضرورت ہوتی ہے اور ان کی کمی کی صورت میں جلد کمزور ہونے سے بال گرنا شروع ہو جاتے ہیں۔