مظفرگڑھ…. ..گاؤں ماڑھا میں کرنٹ لگنے سے 8 مزدور جاں بحق جب کہ ایک شدید زخمی ہوگیا ۔

مظفرگڑھ کے گاؤں ماڑھا میں مزدور ٹیوب ویل کی بورنگ میں مصروف تھے اور جب انہوں پائپ زمین میں دبانے کی کوشش کی تو وہ ہائی وولٹیج ٹرانسمیشن لائن سے جا ٹکرایا جس کے نتیجے میں ایک مزدور کو کرنٹ نے پکڑ لیا جسے بچاتے ہوئے دیگر8 بھی اس کی لپیٹ میں آنے کے بعد جاں بحق ہوگئے۔

واقعے کے فوری بعد علاقے میں موجود افراد موقع پر پہنچ گئے اورانہیں قریبی اسپتال منتقل کیا جہاں ڈاکٹروں نے 8 مزدوروں کے جاں بحق ہونے کی تصدیق کردی جب کہ ایک مزدور کی حالت بدستور تشویشناک ہے۔

کرنٹ لگنے سے جاں بحق ہونے والوں میں 2 بھائی اور 3 کزن شامل ہیں جن کی لاشیں گھر پہنچنے پر کہرام مچ گیا اور لواحقین اپنے پیاروں سے لپٹ کر روتے رہے۔