اسٹاک ہوم…… فلسطین نے سوئیڈن میں اپنا پہلا سفارتخانہ کھول لیا ہے۔افتتاح کے موقع پر فلسطینیوں کی بڑی تعداد بھی سفارتخانہ کے باہر موجود تھی۔سوئیڈن کی جانب سے فلسطین کو آزاد ریاست تسلیم کرنے کے بعد فلسطین نے دارالحکومت اسٹاک ہوم میں اپنا سفارتخانہ کھولا ہے۔اسٹاک ہوم میں کھلنے والا یہ سفارتخانہ مغربی یورپ میں پہلا فلسطینی سفارتخانہ ہے۔مزید پڑھیں : برطانیہ نے فلسطین کو ‘علامتی’ طور پر آزاد ریاست تسلیم کرلیا۔افتتاحی تقریب میں فلسطینیی صدر محمود عباس نے بھی شرکت کی۔اس موقع پر سوئیڈن نے فلسطین میں تعمیر و ترقی کے لئے امداد کا اعلان کیا۔واضح رہے کہ سوئیڈن کے پارلیمان نے اکتوبر 2014 میں فلسطین کو ایک آزاد ریاست تسلیم کیا تھا۔