روم ……. کلیساﺅں میں مقیم رہنے والی راہباﺅں کو دنیاوی عیش و عشرت سے دوری کی علامت سمجھا جاتا ہے اور یہ تاعمر شادی کئے بغیر گوشہ نشینی میں گزار دیتی ہیں مگر اٹلی کے ایک کلیساءمیں ایک راہبہ نے ایسا گل کھلایا کہ سب کے منہ کھلے رہ گئے۔ یہ نوجوان راہبہ گوشنہ جون میں جنوبی امریکہ کے ایک ملک سے اٹلی کے مشرقی علاقہ لی مارچی کے ایک چرچ میں آئی تھیں اور اپنی مدر راہبہ اور سسٹر راہباﺅں کے ساتھ چرچ میں مقیم تھیں۔ انہیں ایک روز اچانک پیٹ میں درد محسوس ہوا تو انہیں ہسپتال لے جایا گیا اور ہاں ہ چلا کہ یہ حاملہ ہیں۔
راہبہ کا کہنا ہے کہ وہ اس بات سے بالکل بے خبر تھیں کہ وہ حاملہ ہیں۔ ڈاکٹروں کو پتہ چلا کہ وہ حمل کے آخری مراحل میں ہیں اور پھر جلد ہی ان کے ہاں ایک پیارے سے بیٹے کی پیدائش ہو گئی۔ جب یہ خبر راہبہ کے چرچ میں پہنچی تو مادر راہبہ سمیت سب سسٹر راہبائیں بھی حیرت زدہ رہ گئیں۔ راہبہ کا کہنا ہے کہ وہ بہت خوش ہیں اور راہبہ کی بجائے اپنے پھول سے بیٹے کی ماں ہونے پر زیادہ خوش ہیں۔ ابتدائی حیرانی کے بعد سسٹر راہباﺅں نے بھی اس دلچسپ واقعہ پر نہایت مسرت کا اظہار کیا اور ماں اور اس کے ننھے بیٹے کے ساتھ تصاویر بنوائیں اور ڈھیروں خوشیاں منائیں۔
