نیویارک (نیوز ٹو ڈے ) امریکی بینکاری گروپ اور کریڈٹ کارڈز والی ممتاز کمپنی امریکن ایکپریس کی خاتون ترجمان مرینا ہوفمن نارویلی نے کہا کہ یہ کمپنی برطرفی کو ختم کرنے کی لاگت کو کور کرنے کے لئے اپنی چوتھی سہ ماہی کے اکاو¿نٹس میں 313 ملین ڈالر چارج لے رہی ہے جو کہ اس کے عالمی سٹاک کا قریباً چھ فیصد کے برابر ہے۔ امریکہ ایکسپریس نے اپنی چوتھی سہ ماہی میں فی کس حصص کی لاگت 1.39 ڈالر سے آمدن میں 15 فیصد اضافے کی اطلاع دی ہے اور اس طرح اس کی مجموعی آمدن سات فیصد کے اضافے سے بڑھ کر 9.1 بلین ڈالر ہو گئی ہے۔ چیئرمین اور چیف ایگزیکٹو کینتھ شنولٹ نے کہا کہ اس سہ ماہی کے ٹھوس نتائج سے یہ ظاہر ہوتا ہے کہ ہم نے 2014ء بھر میں اپنی کارکردگی ،کارڈز ممبرز کے اخراجات میں اضافے ، قرضوں کے بیلنس میں اضافہ، آپریٹنگ اخراجات پر سخت کنٹرول اور اپنے حصص کی دوبارہ خریداری کے ذریعے حصہ داروں کے سرمایہ میں خاصے اضافے کو بہتر بنایا ہے۔