اسلام آباد۔۔۔۔وزیراعظم نواز شریف نے موجودہ عدلیہ کے کردار پر عدم اطمینان کا اظہار کر دیا ہے۔ کہتے ہیں فوجی عدالتوں کے حق میں نہیں عدلیہ درست انداز میں کام کر رہی ہوتی تو فوجی عدالتوں کی ضرورت نہ پڑتی۔وزیراعظم نواز شریف سے تاجروں کے وفد نے اسلام آباد میں ملاقات کی۔ وزیراعظم کا کہنا تھا کہ وہ جمہوریت پر یقین رکھتے ہیں فوجی عدالتیں مارشل لاء4 ایڈمنسٹریٹر نے نہیں بلکہ جمہوری حکومت نے بنائی ہیں۔ انہوں نے کہا کہ وہ فوجی عدالتوں کے حق میں نہیں اگر عدلیہ درست کام کر رہی ہوتی تو فوجی عدالتوں کی ضرورت پیش نہ اتی۔ عدلیہ کی آزادی کے ساتھ عدلیہ کی کارکردگی بھی ضروری ہے۔ وزیراعظم نے کہا کہ فوجی عدالتیں کراچی کے مقدمات بھی سنیں گی۔ شمالی علاقوں میں کوہ پیماؤں کا قتل اور ملالہ یوسفزئی پر حملے کا مقدمہ فوجی عدالتوں میں چلایا جائے گا۔