پیرس: پیرس میں میگزین کے دفتر پر حملے کے دوران فرض کی ادائیگی میں جان دینے والا مسلمان پولیس اہلکار فرانس میں ہیرو کی حیثیت اختیار کرگیا۔
عالمی میڈیا کے مطابق میگزین پر حملے میں مارے گئے افراد میں42 سالہ پولیس اہلکار احمد مرابت بھی تھا، حملہ آور نے احمد کے سر میں گولی ماری، احمد جاتے جاتے اسلام کے خلاف نفرت بڑھانے کی سازش کو ناکام بنا گیا، فرانس میں ہزاروں لوگوں نے ریلی نکالی اور احمد مرابت کی فرض شناسی کو خراج تحسین پیش کیا۔
واضح رہے کہ رہے 3 روز قبل فرانس میں میگزین کے دفتر پر حملے میں ایک صحافی اور گستاخانہ خاکے بنانے والے کارٹونسٹ سمیت 12 افراد ہلاک ہو گئے تھے جن میں پولیس اہلکار احمد مرابت بھی شامل تھا۔
