کراچی۔۔۔۔رینجرز نے مومن آباد اور اتحاد ٹاؤن کے علاقوں میں کارروائی کے دوران 2 دہشت گردوں کو گرفتار کرکے اسلحہ برآمد کرلیا۔ترجمان سندھ رینجرز کے مطابق مومن آباد اور اتحاد ٹاؤن کے علاقوں میں کارروائی دہشت گردوں کی موجودگی اطلاع پر کی گئی اور جیسے ہی رینجرز کی ٹیمیں کارروائی کرنے پہنچی تو دہشت گردوں نے فائرنگ کردی تاہم اہلکاروں نے بھرپور جوابی کارروائی کرتے ہوئے 2 دہشت گردوں کو گرفتار کرلیا۔ ترجمان کا کہنا تھا کہ گرفتار دہشت گردوں کا تعلق کالعدم تنظیم سے ہے اور انہیں تفتیش کے لئے نامعلوم مقام پر منتقل کردیا گیا ہے۔