خوست۔۔۔۔افغانستان کے صوبے پکتیکا میں ایک والی بال میچ میں خود کش حملے میں کم از کم 45 افراد ہلاک اور60 سے زیادہ زخمی ہو گئے ہیں۔ملک کے مشرق صوبے پکتیکا کے گورنر نے بی بی سی کے نمائندے رچرڈ گیلپن کو بتایا کہ یہ خود کش حملے والی بال میچ دیکھنے کے لیے جمع ہجوم کے درمیان کیا گیا۔
حملے کے فوری بعد گورنر کے ترجمان نے ہلاک ہونے والی کی تعداد 40 اور زخمیوں کی تعداد 50 بتائی تھی۔ تھوڑی دیر بعد ترجمان نے کہا کہ 45 افراد ہلاک اور 60 زخمی ہوئے ہیں۔خدشہ ہے کہ ہلاکتوں کی تعداد بڑھ سکتی ہے کیونکہ بعض زخمیوں کو تشویشناک حالت میں ہپستالوں میں منتقل کیا گیا ہے۔امریکی خبررساں ادارے ایسوسی ایٹڈ پریس نے پکتیکا صوبے کے گورنر کے ترجمان کے حوالے سے کہا ہے کہ حملہ یحییٰ خیلی ضلع میں بین الاضلاعی ٹورنامنٹ کے دوران ہوا جہاں لوگوں کی ایک بڑی تعداد موجود تھی۔اے پی نیبھی حملے میں 45 افراد کے ہلاک ہونے کی اطلاع دی۔ فرانسیسی خبررساں ادارے اے ایف پی نے زخمیوں کی تعداد 70 بتائی ہے۔عینی شاہدین کے مطابق خود کش آور حملہ ٹہلتا ہوا شائقین میں شامل ہو گیا اور اپنے آپ کو دھماکے سے اڑا دیا۔