کابل۔۔۔۔افغانستان کے دارالحکومت میں غیر ملکیوں کے زیر استعمال کمپاؤند کے باہر خودکش دھماکے کے نتیجے میں 2 افغان سیکیورٹی اہلکار ہلاک اور متعدد افراد زخمی ہو گئے۔غیر ملکی خبر رساں ادارے کے مطابق افغانستان کے دارالحکومت کابل میں خود کش بمبار نے بارود سے بھری گاڑی غیر ملکیوں کے زیر استعمال کمپاؤنڈ کے داخلی راستے پر ٹکرا دی جس کے نتیجے میں 2 افراد ہلاک اور متعدد زخمی ہو گئے۔ دھماکا اتنا شدید تھا کہ اس کی آواز کابل میں دور دور تک سنی گئی اور آس پاس کی عمارتوں کے شیشے بھی ٹوٹ گئے۔ دوسری جانب طالبان نے خود کش دھماکے کی ذمہ داری قبول کر لی ہے۔
واضح رہے کہ 2 روز قبل افغانستان کی خاتون رکن پارلیمنٹ شکریہ بارکزئی پر بھی خود کش حملہ کیا گیا تھا جس میں انہیں معمولی زخم آئے تھے۔