لاہور۔۔۔۔ٹیسٹ کرکٹرسعید اجمل کے باؤلنگ ایکشن کی رپورٹ اگلے دو سے تین دن میں آئے گی ، ایکشن بہتر ہونے کی صورت میں سعید اجمل ڈومیسٹک کرکٹ کھیل سکیں گے۔پاکستانی آف اسپنر سعید اجمل غیر قانونی باولنگ ایکشن کی وجہ سے آئی سی سی کی جانب سے معطلی کا شکار ہیں۔سعید اجمل کے باؤلنگ ایکشن کی درستگی پر کام کرنے کے بعد پاکستان کرکٹ بورڈ نے آزادانہ بائیو مکینک ٹیسٹ کرانے کا فیصلہ کیا۔پیر کو سعید اجمل کا انگلینڈ کی لوف برا یونیورسٹی میں بائیو مکینک ٹیسٹ ہوا تھا۔ذرائع کے مطابق سعید اجمل کے بائیو مکینک ٹیسٹ کی رپورٹ اگلے دو سے تین روز میں ا?نے کا امکان ہے۔سعید اجمل ان دنوں انگلینڈ میں ہی سابق ؤف اسپنر ثقلین مشتاق کے ساتھ ایک بار پھر باؤلنگ ایکشن پر کام کر رہے ہیں۔ باؤلنگ ایکشن مطلوبہ ڈگری میں آنے کی صورت میں وہ ڈومیسٹک کرکٹ میں حصہ لینے کے اہل ہوجائیں گے، جس کے بعد پی سی بی ، آئی سی سی کو باضابطہ ری اسسمنٹ کے لیئے کہے گا۔