اسلام آباد۔۔۔۔ عالمی ادارہ برائے انسداد پولیو کی جاری کردہ رپورٹ کے مطابق پاکستان پولیو پھیلانے والے ممالک میں سرفہرست ہے جبکہ ملک میں مزید 4 نئے کیسز سامنے آگئے جس کے بعد ملک بھر میں پولیو مریضوں کی تعداد 235 ہوگئی۔پولیو وائرس پھیلانے والے ممالک کی فہرست میں افغانستان 12کیسز کے ساتھ دوسرے اور نائجیریا 6 پولیو کیسز کے ساتھ تیسرے نمبر پرہے، رواں سال پاکستان میں 200 سے زائد پولیو کیسز کے ساتھ 14 سالہ ریکارڈ بھی ٹوٹ گیا جبکہ عالمی ادارہ صحت نے پاکستان میں انسداد پولیو کیلئے اقدامات کو دوگنا کرنے کا فیصلہ کیا ہے۔ عالمی ادارہ کی رپورٹ کے باوجود ملک میں مزید نئے کیسز سامنے ا?رہے ہیں جبکہ ا?ج سامنے ا?نے والے 4 کیسز میں سے 3 کا تعلق بلوچستان اور ایک کیس فاٹا سے رپورٹ ہوا ہے جس کے بعد ملک بھر میں پولیو مریضوں کی تعداد 235 ہوگئی۔رپورٹ کے مطابق پاکستان میں انسداد پولیو کیلئے اقدامات کے سلسلے میں ریلوے اسٹیشن، ائیرپورٹ سمیت آمدورفت کے مختلف مقامات پر 1 کروڑ 10 لاکھ افراد کو پولیو سے بچاو کے قطرے پلائے گئے جبکہ گذشتہ سال پولیو سے بچاوکے قطرے پینے والوں کی تعداد 80 لاکھ تھی۔