اسلام آباد۔۔۔۔جماعت اسلامی نے حکومت سے ایک بارپھر پی ٹی آئی ارکان کے استعفے منظور نہ کرنے کی اپیل کر دی ، وزیر اعظم نے وفد سے استفسار کیا کہ سپیکر کس آپشن کے تحت استعفے روک کر رکھیں
وزیراعظم نواز شریف سے جماعت اسلامی کے وفد نے لیاقت بلوچ کی سربراہی میں ملاقات کی جس میں جماعت اسلامی نے پی ٹی آئی کے استعفے منظور نہ کرنے کی درخواست کی۔ وزیر اعظم نے وفد سے سوال کیا کہ سپیکر کس آپشن کے تحت استعفے روک کر رکھیں جس پر جماعت اسلامی کے جنرل سیکرٹری لیاقت بلوچ نے جواب دیا کہ جس آپشن کے تحت اب تک منظور نہیں کیے گئے۔ ان کا کہنا تھا کہ تحریک انصاف کو بھی اپنے استعفے واپس لینے چاہئیں ، سیاسی بحران کا حل مذاکرات میں ہے۔ حکومت بھی استعفوں کے حوالے سے کوئی حتمی اقدام نہ اٹھائے۔ وزیر اعظم نے کہا کہ مذاکرات کیلئے دروازے کھلے ہیں۔ جماعت اسلامی کے وفد نے حکومت سے اپیل کی کہ وہ سیاسی بحران کے ساتھ آئی ڈی پیز پر بھی توجہ دے ، ملاقات میں موجودہ سیاسی صورتحال ، آپریشن ضرب عضب اور کراچی پر تبادلہ خیال کیا گیا