لاہور۔۔۔انسدادِ دہشت گردی کی عدالت لاہور نے سانحہ ماڈل ٹاو ن کے دوران گاڑیاں توڑنے میں ملوث ملزم گلو بٹ کیس کی سماعت کل تک ملتوی کر دی۔گلو بٹ عدالت سے باہر آتے ہی گاڑیوں کے شیشے توڑنے سے صاف مکرگئے۔انسدادِ دہشت گردی کی عدالت لاہورمیں سانحہ ماڈل ٹاو ن کے مقدمہ میں گلو بٹ کا ٹرائل ہوا،عدالت نے تھانا فیصل ٹاو ن کے انچارج انویسٹی گیشن کا بیان قلمبند کیا،گلو بٹ کے وکیل نے دلائل دئے کہ گلوبٹ سے مبینہ طور پربرا مد ہونے والے ڈنڈے کی فرانزک رپورٹ عدالت میں پیش نہیں کی گئی۔عدالت نے مزید سماعت کل تک ملتوی کردی۔گلوبٹ نے عدالت کے باہرمیڈیا سے گفتگو تے ہوئے کہ انہیں دہشت گرد میڈیا نے قرار دیا۔انہوں نے تو گاڑیوں کے شیشے نہیں توڑے۔ گلو بٹ آج جذباتی نظر آئے اورکہنے لگے کہ پاکستان میں جوبم دھماکے اورقتل وغارت ہو رہی ہے،کیا وہ بھی گلوبٹ کر رہا ہے