شنگھائی ۔۔۔۔سیڑھیا ں تو آپ روزانہ چڑھتے اور اترتے ہیں لیکن چینیوں نے اسے بھی دلچسپ بنا ڈالا اورشہر شنگھائی میں سیڑھیاں چڑھنے کی سالانہ ریس کا انعقاد کیا گیا۔اس ریس کیلئے چین کے شہر شنگھائی میں موجود 260میٹراونچی انٹرنیشنل فنانس سینٹر کی عمارت کا انتخاب کیا گیا۔ 260میٹر اونچی عمارت کی کم وبیش1ہزار460سیڑھیوں پر اپنی پھرتی دکھانے کے لیے سیکڑوں نوجوان مردوخواتین سمیت تقریباً18پیشہ ور ایتھلیٹس/اسٹیئر رنرز نے حصہ لیا۔1970میں امریکا کی ایمپائر اسٹیٹ بلڈنگ سے شروع ہونے والی اس ریس میں ورزش کی افادیت کواجاگر کرنے کے لیے ہزاروں افراد حصہ لیتے اور اپنی قوتِ برداشت کا مظاہرہ کرتے ہیں۔