لاہور (این این آئی) لاہور کے علاقے ڈیفنس میں اداکارہ میرا اور گھریلو ملازمہ کے درمیان مبینہ جھگڑے کے معاملے میں ترجمان ڈی آئی جی آپریشنز نے تفصیلات بتاتے ہوئے کہا کہ وائرل ویڈیو جون 2026ء کی ہے ،
واقعے کی پولیس نے مکمل انکوائر کی ۔ترجمان ڈی آئی جی آپریشنز کا کہناتھا کہ اداکارہ میرا اورگھریلو ملازمہ کو طلب کرکے معاملے کی باقاعدہ انکوائری کی گئی، گھریلو ملازمہ نے معاملہ باہمی رضامندی سے حل ہونے کی تصدیق کی تھی، ملازمہ نے اداکارہ کے خلاف کارروائی نہ کرنے کا بھی بیان بھی ریکارڈ کرایا، ملازمہ کا تحریری معاہدہ اور ویڈیو بیان کو پولیس ریکارڈ کاحصہ بنا لیا گیا ہے۔
ترجمان کے مطابق اداکارہ میرا نے ملازمہ کے خلاف سامان لے جانے کی درخواست پولیس کو دی تھی، ملازمہ کی جانب سے واپس کی گئی اشیاء کے بعد اداکارہ نے اپنی درخواست بھی واپس لے لی، پولیس انکوائری میں دونوں فریقین کے درمیان معاملہ طے پانے کی تصدیق ہوئی، ملازمہ نے واضح طور پر اداکارہ میرا کے خلاف کارروائی نہ کرنے کا موقف اختیار کیا۔
