لاہور (این این آئی)مشہور پاکستانی ٹک ٹاکر اور سوشل میڈیا انفلوئنسر جنت مرزا نے کہا ہے کہ شادی کے بعد اچھی خاصی زندگی خراب ہو جاتی ہے۔

میڈیا رپورٹ کے مطابق جنت مرزا نے انسٹاگرام پر مداحوں سے بات چیت کرنے کے لیے ایک سیشن رکھا ہے،اس دوران ایک مداح نے ان سے سوال کیا کہ آپ شادی کب کریں گی؟۔ ٹک ٹاکر نے جواب دیتے ہوئے کہا ہے کہ مجھے خود بھی نہیں پتہ، آج کل شادی شدہ لوگوں کے حالات دیکھ دیکھ کر شادی کرنے کا دل ہی نہیں کرنا، اتنا ظلم۔جنت مرزا نے لکھا ہے کہ اچھی خاصی زندگی شادی کے بعد خراب ہو جاتی ہے۔انہوں نے لکھا ہے کہ شادی کے بارے میں جلد بازی کرنے سے بہتر ہے آرام سے سوچ سمجھ کر فیصلہ کریں۔