اسلام آباد (نیوز ڈیسک) دانش تیمور کی ایک پرانی ویڈیو سوشل میڈیا پر تیزی سے وائرل ہو رہی ہے،
جس میں وہ اپنے شوبز کیریئر کے ابتدائی دور میں آڈیشن دیتے نظر آ رہے ہیں۔ویڈیو دیکھ کر مداح حیرت کا اظہار کر رہے ہیں کیونکہ آج کے پراعتماد اور کامیاب دانش تیمور کے مقابلے میں ان کا ابتدائی انداز کافی مختلف دکھائی دیتا ہے۔ سوشل میڈیا صارفین اس کلپ کو دلچسپی سے شیئر کر رہے ہیں اور ان کے سفر کو محنت اور جدوجہد کی مثال قرار دے رہے ہیں۔دانش تیمور اس وقت پاکستان کے نمایاں اداکاروں میں شمار کیے جاتے ہیں اور انہوں نے کئی مقبول ڈراموں میں اداکاری کے جوہر دکھا کر اپنی الگ پہچان بنائی ہے۔ ان کی کامیاب ازدواجی زندگی بھی مداحوں کی توجہ کا مرکز رہتی ہے، خصوصاً اہلیہ عائزہ خان کے ساتھ ان کی جوڑی کو شوبز کی مقبول ترین جوڑیوں میں شمار کیا جاتا ہے۔
رپورٹس کے مطابق وائرل ہونے والی یہ ویڈیو ان کے پہلے آڈیشن کی ہے، جہاں انہیں کامیابی حاصل نہیں ہوئی تھی۔ تاہم بعد میں مسلسل محنت، لگن اور مستقل مزاجی کے باعث وہ انڈسٹری میں نمایاں مقام حاصل کرنے میں کامیاب رہے۔
View this post on Instagram
