کراچی (این این آئی) اداکارہ علیزے شاہ نے سوشل میڈیا صارف کی جانب سے ہونے والی انتہائی غیر اخلاقی پیشکش کو بے نقاب کر دیا۔

علیزے شاہ نے اپنی انسٹا اسٹوری پر ایک سوشل میڈیا صارف کی جانب سے موصول ہونے والے میسجز کا اسکرین شاٹ شیئر کیا اور کیپشن میں لکھا کہ یہ سکرین شاٹ اس شخص کے پورے خاندان اور ان لوگوں تک پہنچنا چاہئے جن کے ساتھ یہ کام کرتا ہے۔اداکارہ نے مزید لکھا ہے کہ ان کے مرد ہونے پر لعنت ہے۔بعد ازاں! علیزے شاہ نے اپنی انسٹا اسٹوری میں یہ انکشاف بھی کیا کہ غیر اخلاقی پیشکش کرنیوالے صارف نے انہیں بلاک کر دیا اور اپنا انسٹاگرام اکائونٹ بھی ڈیلیٹ کر دیا ہے۔انہوں نے اپنی انسٹا اسٹوری میں لکھا کہ انکل نے بلاک کر دیا، مجھے اس کا کمنٹ سیکشن دیکھ کر بہت مزہ آیا۔اداکارہ نے اس موقع پر اپنی حمایت میں سامنے آنے والے صارفین سے محبت کا اظہار بھی کیا ہے۔