اسلام آباد (نیوز ڈیسک)پاکستانی اداکارہ رمشا خان نے ساتھی فنکار خوشال خان کے ساتھ اپنی شادی کی تصدیق کر دی ہے،
جس کے بعد سوشل میڈیا پر جاری قیاس آرائیاں ختم ہو گئیں۔گزشتہ چند دنوں سے دونوں کی شادی سے متعلق خبریں گردش کر رہی تھیں، جبکہ بعض معروف شخصیات نے بھی اس کی تصدیق کا عندیہ دیا تھا۔ اسی دوران ان کے نکاح کی ایک تصویر منظرِ عام پر آئی، جس نے مداحوں کی توجہ مزید بڑھا دی۔رمشا خان نے حال ہی میں انسٹاگرام اسٹوری کے ذریعے ان خبروں کی تصدیق کی، تاہم انہوں نے نجی تصاویر کے لیک ہونے پر ناراضی کا اظہار بھی کیا۔ ان کا کہنا تھا کہ ان کی تصاویر اجازت کے بغیر شیئر کی جا رہی ہیں، جو غیر اخلاقی عمل ہے، اور انہوں نے ایسے پیجز سے مطالبہ کیا کہ وہ فوری طور پر یہ مواد ہٹا دیں۔اداکارہ نے مزید کہا کہ وہ ہمیشہ اپنی ذاتی زندگی کو نجی رکھنا پسند کرتی ہیں اور آئندہ بھی اسی اصول پر عمل کریں گی۔
انہوں نے درخواست کی کہ ان کی اور ان کے شریک حیات کی تصاویر کو سوشل میڈیا سے ہٹا دیا جائے اور دوبارہ شیئر نہ کیا جائے۔رمشا خان نے اس نئے مرحلے کا ذکر کرتے ہوئے کہا کہ وہ اپنی زندگی کے اس سفر کو سکون کے ساتھ گزارنا چاہتی ہیں، اس لیے لوگوں سے اپیل ہے کہ ان کی پرائیویسی کا احترام کیا جائے۔انہوں نے واضح کیا کہ یہ ان کی ذاتی زندگی ہے، اسے خبروں کا حصہ نہ بنایا جائے، جبکہ مزید تفصیلات مناسب وقت پر شیئر کی جائیں گی۔
