کھڈیاں خاص (این این آئی) ایک وقت ایسا بھی تھا جب انہیں پاکستان، بھارت اور دنیا بھر سے 70 ہزار سے زیادہ لوگوں نے شادی کی پیشکش کی تھی۔

ان خیالات کا اظہارمعروف ماڈل اور اداکارہ وینا ملک نے ایک ملاقات کے دوران کیاان کا کہناتھا کہ جب وہ نولی ووڈ اور لالی ووڈ میں کام کررہی تھیں تو اس وقت انہیں پاکستان، بھارت اور دنیا بھر سے 70 ہزار سے زیادہ لوگوں نے شادی کی پیشکش کی تھی مگر میں نے انکار کردیا،وینا ملک نے یہ سب انکشافات ایک پوڈکاسٹ میں بات کرتے ہوئے اپنے کیریئر، شادیوں، تعلقات اور شوبز کے بارے میں کھل کرکیئے۔وینا ملک کے مطابق جب وہ اپنے کیریئر کے عروج پر بھارت گئیں اور وہاں ایک ویڈنگ ریئلٹی شو میں کام کیا، تو اسی دوران انہیں دنیا بھر سے شادی کے بہت زیادہ پروپوزل ملے۔انہوں نے کہا کہ ان کے پاس آنے والی یہ تمام پیشکش ان کی ٹیم دیکھتی تھی۔اداکارہ نے مزید بتایا کہ چونکہ وہ اس وقت وہ شو میں مصروف تھیں، اس لیے انہیں خود نہیں معلوم کہ یہ 70 ہزار سے زیادہ پروپوزلز واقعی سنجیدہ تھے یا صرف ویسے ہی بھیجے گئے تھے۔

وینا ملک نے مذٰد کہاکہ ان کی ٹیم نے انہیں بتایا تھا کہ دنیا بھر کے ہزاروں مردوں نے انہیں شادی کی پیشکش کی، لیکن وہ اس بات پر زیادہ حیران نہیں ہوئیں کیونکہ وہ اپنے کام میں بہت زیادہ مصروف تھیں انہیں اس طرف توجہ دینے کا وقت ہی نہیں مل رہاتھا۔ان دنوں وینا ملک اپنے یوٹیوب چینل کے لیئے اپنے میوزک ویڈیوز بنانے میںمصروف ہیں۔