ممبئی (این این آئی)ممبئی پولیس نے فلم دھریندھر میں نظر آنیوالے اداکار ندیم خان کو گھریلو ملازمہ سے شادی کا جھانسہ دے کر طویل عرصے تک زیادتی کا نشانہ بنانے کے الزام میں گرفتار کر لیا ۔بھارتی میڈیا کے مطابق 41سالہ خاتون نے شکایت درج کروائی کہ وہ مختلف اداکاروں کے گھروں میں کام کر چکی ہیں اور گزشتہ کئی برسوں ندیم خان کے گھر میں بھی کر رہی تھیں، دونوں کے درمیان قربت بڑھی اور اداکار نے شادی کا وعدہ کیا تھا۔

بھارتی میڈیا کے مطابق متاثرہ خاتون نے الزام عائد کیا ہے کہ شادی کے وعدے پر اداکار نے گزشتہ 10 برس کے دوران متعدد بار ان کے ساتھ زیادتی کی۔پولیس کو ریکارڈ کروائے گئے بیان میں متاثرہ خاتون نے بتایا ہے کہ اب اداکار نے شادی سے انکار کر دیا جس پر انہوں نے پولیس سے رجوع کیا۔بھارتی میڈیا کے مطابق پولیس کے مطابق ندیم خان کو اس شکایت پر 22جنوری کو گرفتار کیا گیا تھا اور وہ اس وقت پولیس کی حراست میں ہیں۔