اسلام آباد (نیوز ڈیسک) ہائی کورٹ نے گیمنگ ایپ اور سائبر کرائم سے متعلق مقدمات میں یوٹیوبر رجب بٹ اور ٹک ٹاکر ندیم نانی والا کو حفاظتی ضمانت دے دی، جس کے تحت جمعرات تک انہیں اسلام آباد ایئرپورٹ پر پہنچنے پر گرفتار نہیں کیا جائے گا۔
ایکسپریس نیوز کے مطابق جسٹس انعام امین منہاس نے دونوں سوشل میڈیا شخصیات کی حفاظتی ضمانت کی درخواستوں پر سماعت کی۔ ان کے وکیل احد کھوکھر نے مؤقف اپنایا کہ ان کے موکل ملک واپس آکر الزامات کا سامنا کرنا چاہتے ہیں، لہٰذا واپسی کے وقت گرفتاری سے رکاوٹ نہ ڈالی جائے تاکہ وہ ٹرائل کورٹ میں پیش ہوسکیں۔
عدالت نے رجب بٹ اور ندیم نانی والا کو کل اسلام آباد ایئرپورٹ پر اترنے کی صورت میں حراست میں لینے سے روک دیا اور انہیں ہدایت کی کہ وہ اگلی سماعت پر اسلام آباد ہائی کورٹ میں خود کو پیش کریں۔
