کراچی (این این آئی) اداکارہ حمیرا اصغر کیس میں پولیس نے بلڈنگ کے چوکیدار، پڑوسیوں سمیت کئی افراد کے بیان ریکارڈ کرلیے۔تفصیلات کے مطابق ماڈل واداکارہ حمیرا اصغر کی لاش ملنے کے واقعے کی تحقیقات جاری ہے، پولیس نے مالک مکان، اسٹیٹ ایجنٹس اور 10 سے زائد افراد کے بیانات قلمبند کرلیے۔پولیس کا کہنا تھا کہ چوکیدار اور گھریلو ملازمہ کا بیان بھی شامل تفتیش کرلیا گیا ہے جبکہ پہلی منزل کے مکینوں اور بالائی منزل پر رہائش پذیر افراد سے بھی تحقیقات مکمل کرلی ہے۔

حکام نے بتایا کہ حمیرا نے فلیٹ 2 اسٹیٹ ایجنٹس کی مددسیحاصل کیا، دونوں اسٹیٹ ایجنٹس اورمالک مکان کے بیانات حاصل کرلیے گئے۔حمیرا کی ڈائری سے ملنے والے نمبرز پر رابطہ کیا جارہا ہے تاہم اداکارہ کے موبائل فون سے 10 اکتوبر سے پہلے کی کچھ چیٹ ڈیلیٹ ہے، جس کی تفتیش جاری ہے۔پولیس موبائل ڈیٹا اور سوشل میڈیا روابط کا بھی بغور جائزہ لے رہی ہے۔تفتیشی پولیس کے مطابق اب تک حمیرہ اصغر کا ایک بینک اکانٹ سامنے آیا ہے، جس میں تین لاکھ سیزائدرقم موجودہے،دیگرنجی بینکوں سیبھی حمیرا اصغر کے اکانٹس کی تفصیلات حاصل کرنے کے لیے خط لکھے جا چکے ہیں۔