کراچی (این این آئی)پاکستان کی نامور اور ورسٹائل اداکارہ ثانیہ سعید نے پہلی بار اپنی ازدواجی زندگی اور طلاق کے بارے میں لب کشائی کی ہے۔ ثانیہ سعید نے پوڈکاسٹ میں گفتگو کرتے ہوئے بتایا کہ میں سابق شوہر شاہد شفاعت سے علیحدہ ہو چکی ہوں، ہم دونوں کا تعلق تھیٹر سے تھا اور بچپن سے ایک دوسرے کو جانتے تھے۔
انہوں نے بتایا کہ ہم نے باہمی رضامندی سے اور امن کے ساتھ علیحدگی اختیار کی، کوئی تلخی نہیں ہوئی۔انہوں نے کہا کہ میں خود کو خوش نصیب سمجھتی ہوں کہ زندگی میں مجھے ویسے سمجھوتے نہیں کرنے پڑے جو عام عورتوں کو کرنے پڑتے ہیں۔
