کراچی (این این آئی)پاکستانی یوٹیوبر سعد الرحمن، جو اپنے نام ڈکی بھائی سے مشہور ہیں، حال ہی میں ایک بڑے تنازع کے باعث اپنے چینل سے 400,000 سے زائد سبسکرائبرز کھو بیٹھے ہیں۔یہ تنازع سات سال قبل شروع ہوا تھا جب ڈکی بھائی نے یوٹیوبر شام ادریس کے روزانہ ویلاگز پر تنقید کی تھی۔ حال ہی میں شام ادریس نے ایک ویڈیو جاری کی جس میں انہوں نے ڈکی بھائی پر الزام لگایا کہ وہ چھوٹے مواد تخلیق کاروں کو بلی کرتے ہیں، دھمکیاں دیتے ہیں اور یہاں تک کہ ان پر جسمانی حملہ بھی کرتے ہیں۔
ادریس نے اس ویڈیو میں یہ بھی اعتراف کیا کہ انہوں نے ڈکی بھائی کا فیس بک پیج بند کرانے میں بھی کردار ادا کیا تھا، جس کی وجہ نامناسب مواد قرار دی گئی۔ان الزامات کی وجہ سے مداحوں نے ڈکی بھائی کا چینل سبسکرائب کرنا چھوڑ دیا جس کے نتیجے میں ان کے سبسکرائبرز میں نمایاں کمی واقع ہوئی ہے۔ان کا سبسکرائبرز کا شمار تقریبا 8.56 ملین سے گھٹ کر اب 8.1 ملین رہ گیا ہے۔اب تک ڈکی بھائی نے ان الزامات کا عوامی طور پر کوئی جواب نہیں دیا ہے، جس کی وجہ سے پاکستان کی یوٹیوب کمیونٹی میں اخلاقیات اور ذمہ داری کے حوالے سے بحث شروع ہو گئی ہے۔
