ممبئی(این این آئی)بھارتی اداکارہ اروشی روٹیلا نے انکشاف کیا ہے کہ وہ سیف علی خان پر ہونے والے چاقو حملے سے بے خبر تھیں۔بالی وڈ اداکارہ نے متنازعہ انٹرویو پر ہونے والی تنقید کا جواب دیتے ہوئے کہاکہ سیف علی خان پر رات 4بجے حملہ ہوا جبکہ صبح 8بجے میرا انٹرویو تھا اس لئے میں بے خبر تھی، مجھے صرف اتنا بتایا گیا کہ فلم اسٹار پر حملہ ہوا ہے لیکن اس کی نوعیت کے بارے میں معلوم نہیں تھا۔

انہوں نے کہاکہ میں ان کے ساتھ ہمدردی کا اظہار کرتی ہوں، وہ صحت یاب ہو چکے ہیں لیکن مجھے اب بھی پورا واقعہ نہیں معلوم کہ ان کے ساتھ کیا ہوا کیونکہ ہر کوئی الگ کہانی بیان کر رہا ہے۔