ممبئی (این این آئی) تیلگو فلم انڈسٹری کے معروف اداکار وجیا رنگراجوچنئی کے نجی ہسپتال میں دل کا دورہ پڑنے سے انتقال کر گئے۔ بھارتی میڈیا کے مطابق حیدرآباد میں فلم شوٹنگ کے دوران اداکار کو چوٹ آئی تھی جس کے بعد انہیں چنئی منتقل کیا گیا تھا تاہم وہ جانبر نہ ہو سکے۔
وجیا رنگراجو کے انتقال کی خبر کی پبلسٹی مینیجر سریش نے اپنے ایکس اکائونٹ پر تصدیق کی۔ اداکار کے آخری رسومات چنئی میں ادا کی جائیں گی ۔وجیا رنگراجو اپنے پیچھے دو بیٹیاں، دیکشتا اور پدمنی چھوڑ گئے ہیں۔ ان کے انتقال سے فلم انڈسٹری میں گہرے دکھ کی لہر دوڑ گئی ہے اور مداح ان کی یادگار اداکاری کو خراجِ عقیدت پیش کر رہے ہیں۔
