کراچی(این این آئی)پاکستان کی معروف اداکارہ کبری خان جلد ہی اپنے قریبی دوست گوہر رشید کے ساتھ شادی کے بندھن میں بندھنے والی ہیں جن کی اب شادی کی تاریخ بھی سامنے آچکی ہے۔سوشل میڈیا پیجز کے زریعے پھیلنے والی اداکارہ کبری خان اور گوہر رشید کی شادی کی افواہیں اب حقیقت کا روپ دھار چکی ہیں، اور اس جوڑی کی شادی کی تاریخ بھی سامنے آ گئی ہے۔

رپورٹ کے مطابق کبری اور گوہر 22 فروری کو رشتہ ازدواج میں منسلک ہوں گے۔ ان کی شادی کی تقریبات کراچی میں منعقد ہوں گی جس میں ان کے قریبی دوست اور اہل خانہ شریک ہوں گے۔اس جوڑی کی شادی سے متعلق افواہیں کئی دنوں سے سوشل میڈیا پر گردش کر رہی تھیں، جن کی اب تصدیق ہو چکی ہے تاہم اب تک کبری خان اور گوہر رشید نے ان خبروں پر کوئی تبصرہ نہیں کیا ہے۔سوشل میڈیا پر متحرک ہونے کے باوجود، دونوں نے ان افواہوں کی نہ تو تصدیق کی ہے اور نہ ہی تردید۔ البتہ گوہر رشید اپنے انسٹاگرام اکانٹ پر شادی کی تیاریوں اور ڈانس پریکٹس کی مختلف ویڈیوز پوسٹ کر رہے ہیں جو ان افواہوں کو مزید ہوا دے رہی ہیں۔