ممبئی (این این آئی)بالی ووڈ سپرسٹار سلمان خان 59 سال کے ہوگئے ، بہن کے گھر سالگرہ کا کیک کاٹا۔بھارتی میڈیا کے مطابق سلمان خان کی بہن ارپیتا کی بیٹی بھی 27دسمبر کو پیدا ہوئی تھی ،ہر سال یہ دونوں اپنی سالگرہ ساتھ مناتے ہیں۔بہن کی جانب سے سالگرہ کی تقریب میں شرکت کیلئے سلمان خان رات کو ان کے گھر پہنچے تھے۔تقریب میں سلمان خان کی سابق گرل فرینڈ سنگیتا بجلانی، بھائی سہیل خان اور دیگر لوگوں نے بھی شرکت کی۔سوشل میڈیا پر سالگرہ کی تقریب کی ویڈیو وائرل ہو رہی ہیں جنہیں سلمان خان کے مداح پسند کر رہے ہیں۔